وزیر اعظم عمران خان کا خطاب: ’ہم مودی کو اینٹ کا جواب پتھر سے دیں گے‘

وزیر اعظم عمران خان نے پاکستان کے زیرِ انتظام کشمیر کی اسمبلی سے اپنے خطاب میں کہا ہے کہ انڈیا اپنے زیر انتظام کشمیر میں ہونے والے مظالم سے توجہ ہٹانے کے لیے پاکستان کے زیر انتظام کشمیر میں ایکشن کر سکتا ہے۔

پاکستان کے یوم آزادی کے موقع پر وزیراعظم عمران خان نے پاکستان کے زیر انتظام کشمیر میں اپنے خطاب میں کہا ہے کہ وہ نریندر مودی کو پیغام دینا چاہتے ہیں کہ ’آپ ایکشن لیں ہم اینٹ کا جواب پتھر سے دیں گے۔‘

انھوں نے کہا کہ انڈیا کشمیر میں ہونے والے مظالم سے توجہ ہٹانے کے لیے پاکستان کے زیرِ انتظام کشمیر میں ’ایکشن‘ کر سکتا ہے۔

وزیرِاعظم نے کہا کہ پاکستان اقوامِ متحدہ کے سامنے مسئلہ کشمیر اٹھا رہا ہے اور اب یہ اقوامِ متحدہ پر ہے کہ وہ کشمیر سے متعلق قراردادوں پر کیسے عمل کرواتا ہے۔

یہ بھی پڑھیے

’خدشہ ہے کہ انڈیا نیا قتل عام کرنے کا ارادہ رکھتا ہے‘

’اُمہ کے محافظوں نے انڈیا میں سرمایہ کاری کر رکھی ہے‘

’میرا بچہ کہتا ہے بنکر میں دم گھٹتا ہے‘

کیا کشمیر واقعی ’خوبصورت قید خانہ‘ ہے؟

یاد رہے کہ انڈین حکومت کی جانب سے کشمیر کی مخصوص آئینی حیثیت کے خاتمے کے بعد کشمیر میں گذشتہ دس روز سے لاک ڈاؤن جاری ہے۔

وزیر اعظم نے کہا کہ مودی کو یہ کارڈ کھیلنا بہت مہنگا پڑے گا،اب دنیا کی نظر کشمیر پر ہے۔

انھوں نے کہا کہ ’نریندر مودی کسی غلط فہمی میں نہ رہیں کہ آپ کشمیر پر قانون پاس کر کے کشمیریوں کو غلام بنا لیں گے۔‘

وزیر اعظم عمران خان نے کہا کہ ’نریندر مودی جو آپ کریں گے تو ہم مقابلے کے لیے آخر تک جائیں گے۔`

انھوں نے کہا کہ ’آر ایس ایس نے جرمنی کی نازی پارٹی سے سیکھا ہے کہ اگر تھوڑے لوگ منظم ہو جائیں تو پوری قوم پر غالب آ سکتے ہیں۔ بی جے پی نے انڈیا میں یہی کیا ہے۔‘

وزیرِ اعظم عمران خان نے کہا کہ پاکستان پورح طرح تیار ہے، فوج اور قوم ایک پیچ پر ہیں۔

عمران خان نے اقوامِ متحدہ کو پیغام دیتے ہوئے کہا کہ ’کشمیری آپ کی طرف دیکھ رہے ہیں۔‘

انھوں نے کہا کہ پاکستان کشمیر کے مسئلے کو لے کر دنیا کے ہر فورم پر جائے گا۔

'ہم عالمی عدالتِ انصاف میں جائیں گے۔ میں کشمیر کا سفیر بنوں گا۔'

دوسری جانب پاکستانی فوج کے ترجمان میجر جنرل آصف غفور نے فوج کے سربراہ جنرل قمر جاوید باجوہ کا بیان ٹویٹ کیا ہے جس میں انھوں نے کہا ہے کہ ’ہم نتائج کی پرواہ کیے بغیر ظلم کے سامنے کھڑے ہوں گے۔‘

انھوں نے کہا ہے کہ ’پاکستانی فوج کشمیر کاز میں اپنا کردار ادا کرنے کے لیے پوری طرح تیار ہے۔‘

اس خبر کو اپ ڈیٹ کیا جا رہا ہے۔۔۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.