گیم آف تھرونز نے ایک مرتبہ پھر ایمی ایوارڈ جیت لیا

نیویارک: ایچ بی او ٹیلی وژن کی تاریخ کی مقبول ترین سیریز گیم آف تھرونز نے آخری سیزن میں شائقین کو زیادہ متاثر نہ کرنے کے باوجود 2019 کے بہترین ڈرامہ سیریز کا ایمی ایوارڈ اپنے نام کر لیا ہے۔

فینٹیسی سیریز جو اس سے قبل لگاتار آٹھ مرتبہ ایمی ایوارڈ کے لئے نامزد ہو چکی ہے جن میں سے تین مرتبہ اس نے یہ ایوارڈ جیتا ہے۔

گیم آف تھرونز کی تیسری قسط ’’ دی لانگ نائٹ ‘‘ ڈرامہ سیریز کی تاریخ کی سب سے زیادہ دیکھے جانے والی قسط تصور کی جاتی ہے تاہم یہ شائقین کو زیادہ متاثر کرنے میں ناکام رہی اور سماجی رابطے کی مختلف ویب سائٹس پر دنیا بھر سے 10 لاکھ سے زائد مداحوں نے اس قسط کو دوبارہ بنانے کے لئے آن لائن درخواستیں دائر کی۔

گیم آف تھرونز کا کردار ٹیرین لینسٹر راولپنڈی میں موجود

واضح رہے شہرہ آفاق فینٹسی ڈرامہ سیریز ’گیم آف تھرونز ‘ کے ایک نہیں، دو نہیں بلکہ تین اسپن آفس کی تیاری جاری ہے۔

یہ بات ناول ’اے سانگ آف آئس اینڈ فائر‘ کے مصنف جارج آر آر مارٹن نے اپنے ایک بلاگ میں کہی ہے۔ گیم آف تھرونز بنیادی طور پر اسی ناول کی کہانی پر بنایا گیا ہے تاہم ٹیلی ویژن کی ضروریات کو مدنظر رکھتے ہوئے کچھ تبدیلیاں بھی کی گئیں۔

مزید پڑھیں: ایمی ایوارڈز: گیم آف تھرونز نامزدگیوں میں سب سے آگے

انہوں نے بتایا کہ ’جس کو ’دی لانگ نائٹ‘ کہا جارہا ہے، اس سیریز کی شوٹنگ رواں سال کے اختتام پر شروع ہوجائے گی جبکہ دیگر دو سیریز کی اسکرپٹس پر کام تیزی سے جاری ہے۔‘

انہوں نے گیم آف تھرونز کے شائقین کو یہ بھی کہا کہ انٹرنیٹ پر جاری افواہوں پر دھیان نہ دیں۔

گیم آف تھرونز کا ٹریلر منظر عام پر آگیا

خیال رہے کہ گیم آف تھرونز کا شمار مقبول ترین ڈرامہ سیریز میں ہوتا ہے جس کے دنیا بھر میں کروڑوں مداح موجود ہیں۔

اس ڈرامے نے اب تک 47 ایمی ایوارڈز جیتے ہیں جو کسی بھی ڈرامے کی جانب سے جیتے جانے والے سب سے زیادہ ایوارڈز ہیں۔

گیم آف تھرونز کا آٹھواں اور آخری سیزن 19 مئی کو اپنے اختتام کو پہنچے گا جس میں چھ قسطیں نشر کی جا رہی ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.