حکومت نے مہوش حیات کو اہم عہدے سے نواز دیا

تمغہ امتیاز کے بعد حکومت نے اداکارہ مہوش حیات کو لڑکیوں کے حقوق کی خیر سفیر کے عہدے سے بھی نواز دیا ہے۔

اداکارہ مہوش حیات نے ٹوئٹر پر ویڈیو شیئر کی جس میں انہوں نے کہا کہ ’میں بہت ہی اہم خبر آپ لوگوں کو بتانا چاہتی ہوں، مجھے یہ بتاتے ہوئے بہت خوشی محسوس ہو رہی ہے کہ وزارت انسانی حقوق حکومت پاکستان نے مجھے پاکستانی لڑکیوں کے حقوق کیلئے ’گڈ ول ایمبیسیڈر‘ مقرر کیا ہے۔

اداکارہ نے مزید کہا کہ یہ میرے لیے فخر کی بات ہے کہ میں لڑکیوں کو اُن کے حقوق دلوانے میں ایک اہم کردار ادا کرسکوں گی میں ایک ایسا پاکستان دیکھنا چاہتی ہوں جہاں لڑکیوں کو تعلیم حاصل کرنے کے مواقع دیئے جائیں۔

انہوں نے عوام سے اپیل کرتے ہوئے کہا کہ آئیے آپ میرا ساتھ دیجیے کیونکہ میرا ماننا ہے اگر لڑکیوں کو ان کا حق دیا جائے تو وہ دنیا بدل سکتی ہیں ۔

یاد رہے کہ اس سے قبل رواں برس انہیں صدرِ پاکستان کی جانب سے ان کی کارکردگی کی بنیاد پر تمغہ امتیاز سے نوازا گیا تھا اور اس کے بعد مہوش حیات کا نام دنیا کو بدلنے والی 5 مسلمان خواتیں میں بھی شامل کر لیا گیا تھا۔

 

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.