قندیل بلوچ قتل کیس: بری ہونے والے ملزمان کی بریت کے خلاف اپیل دائر

ملتان: لاہور ہائیکورٹ ملتان بنچ  میں قندیل بلوچ قتل کیس میں بری ہونے والے ملزمان کی بریت کے خلاف اپیل دائر کر دی گئی ہے۔

پنجاب کے پراسیکیوشن ڈیپارٹمنٹ نے مفتی عبدالقوی سمیت 5 ملزمان کی بریت کے خلاف اپیل دائر کی ہے۔عمر قید کی سزا پانے والے ملزم وسیم کی سزا کو بڑھانے کے حوالے سے بھی اپیل دائر کی گئی ہے ۔

ماڈل قندیل بلوچ قتل کیس میں ماڈل کورٹ نے 27 ستمبر کو مفتی عبدالقوی سمیت 5 ملزمان کو بری کر دیا تھا۔معروف ماڈل قندیل بلوچ قتل کیس میں مرکزی ملزم وسیم کو عمر قید کی سزا سنائی گئی تھی۔

ملزمان کے خلاف ماڈل قندیل بلوچ کا گلہ دبا کر غیرت کے نام پر قتل کرنے کا الزام ہے۔

پنجاب کے پراسیکیوشن ڈیپارٹمنٹ نے اپنی اپیل میں مؤقف اختیار کیاہے کہ ملتان کی ماڈل کورٹ نے تمام شواہد کو مد نظر رکھے بغیر ملزمان کو بری کر دیا۔

یہ بھی پڑھیے:قندیل بلوچ قتل کیس: مرکزی ملزم کو عمر قید، مفتی عبدالقوی رہا

عدالت عالیہ میں دائر درخواست میں مؤقف اختیار کیا گیاہے کہ  ملزم وسیم کو سیکشن 302 کے تحت سزا نہیں سنائی گئی۔ملزم وسیم کی سزا کو بڑھایا جائے۔اپیل ملزمان مفتی عبدالقوی، ظفر، عبدالباسط، حقنواز اور اسلم شاہین کے خلاف دائر کی گئی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.