فیس بک کا اپنی تمام سروسز پر پیمنٹ سروس متعارف کرانے کا اعلان

سان فرانسسکو: (15 نومبر 2019) سماجی رابطے کی سب سے بڑی ویب سائٹ فیس بک نے اپنی تمام سروسز پر پیمنٹ سروس متعارف کرانے کا اعلان کردیا۔

ٹیکنالوجی پر نظر رکھنے والی ویب سائٹ کے مطابق فیس بک، میسنجر، انسٹاگرام اور واٹس ایپ کے ذریعے رقوم کی ترسیل ممکن ہوگی۔ کمپنی اس مقصد کے لیے سیکیورٹی آپشنز جیسے پن یا بائیو میٹرک نظام متعارف کرائے گی تاکہ لین دین کے معاملے کی حفاظت کو یقینی بنایا جاسکے۔

رپورٹ کے مطابق رواں سال کے آغاز پر فیس بک کے بانی نے اعلان کیا تھا کہ وہ جلد صارفین کو نئی سروسز فراہم کریں گے اور تمام ایپلیکشنز کو ایک جگہ کردیں گے۔ فیس بک کی جانب سے جاری اعلامیے میں کہا گیا ہے کہ ’فیس بک پے سروس کے ذریعے صارفین کی معلومات رقم کی ادائیگی کا طریقہ، تاریخ، بل اور ٹرانزیکشن کے ڈیٹا کو اکھٹا کیا جائے گا۔

کمپنی کی جانب سے وضاحت کی گئی ہے کہ جیسے اگر کوئی بیس بال کی خریداری میں دلچسپی رکھتا ہوگا تو اُسے اسی سے متعلق اشتہارات نظر آئیں گے۔ فیس بک نے امریکا میں پے سروس کو آزمائشی طور پر متعارف کرانے کا اعلان کردیا جس کے بعد اس کا دائرہ کار بڑھا کر اسے انسٹاگرام اور واٹس ایپ تک پھیلاجائے گا۔ صارفین کریڈٹ، ڈیبیٹ کارڈز اور پے پال سروسز سے خریداری کرسکیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.