پاکستان کی مشہور اور خوبرو اداکارہ مایا علی نے اپنے خاص دوست عثمان خالد بٹ کو ان کی سالگرہ کے موقع پر خوبصورت پیغام بھیجا۔
اداکار عثمان خالد بٹ کی سالگرہ پر اداکارہ مایا نے انسٹاگرام پر اُن کے ہمراہ ایک تصویر شیئر کرتے ہوئے سالگرہ کی مبارک باد پیش کی اور ان کے لئے نیک تمناؤں کا اظہار کیا۔
انہوں نے اپنے پیغام میں عثمان خالد بٹ کو مخاطب کرتے ہوئے لکھا کہ میں جب بھی آپ کو دیکھتی ہوں آپ جیسا اچھا دوست ملنے پر فخر اور خوشی محسوس کرتی ہوں۔
شوبز اداکارہ مایا علی نے عثمان خالد کے لیے نیک خواہشات کا اظہار کرتے ہوئے کہا کہ وہ ان کے مستقبل کے لیے ڈھیر ساری خوشیوں اور کامیابیوں کی دعا کرتی ہیں۔
واضح رہے کہ ڈرامہ ’اک نئی سنڈریلا‘ سے مقبول ہونے والی عثمان اور مایا کی جوڑی نے ڈرامے عون زارا سے مقبولیت حاصل کی تھی۔ 2016 میں نشر ہونے والے ڈرامے ’صنم‘ میں دونوں فنکار آخری بار ساتھ کام کرتے دکھائی دئے تھے۔