لوک گلوکارہ صنم ماروی نے اپنے شوہر پر گھریلو تشدد کے الزام لگائے تھے جنہیں اب ان کے شوہر حامد علی نے مسترد کر دیا ہے۔
گلوکارہ نے لاہور کے فیملی کورٹ میں درخواست کی تھی کہ شادی کے بعد ان کے شوہر حامد کا طرز عمل بدل گیا ہے اور وہ زبانی اور جسمانی طور پر بھی ان کے ساتھ بدسلوکی کرتے ہیں۔
تاہم گلوکارہ کے شوہر حامد علی نے گھریلو تشدد کے الزامات کی تردید کرتے ہوئے عدالت میں جواب جمع کروا دیا۔ حامد کا کہنا تھا کہ انھوں نے کبھی بھی اپنی اہلیہ کے ساتھ بد سلوکی نہیں کی اور وہ ان کے اور اپنے بچوں کے مالی معاملات کا بھی خیال رکھتے ہیں۔
انھوں نے مزید کہا کہ ان کی پوری فیملی ان کا خیال رکھتی ہے۔ انھوں نے عدالت سے درخواست کی کہ عدالت فوری ان کی بیوی کی خلع کی درخواست خارج کرنے کا حکم دے۔