گزشتہ روز پاکستان سپر لیگ کی افتتاحی تقریب کراچی میں منعقد کی گئی جس میں بے شمار فنکاروں نے شرکت کی۔ لیکن افتتاحی تقریب میں ہونے والی سرگرمیاں شائقین کو کچھ زیادہ پسند نہ آسکیں جس کی وجہ سے فنکاروں اور تقریب کے میزبان احمد گوڈیل کو شدید تنقید کا نشانہ بنایا گیا۔
شائقین کی جانب سے تنقید کرنے پر پاکستانی سپر اسٹار علی ظفر کی ایک ویڈیو منظرِ عام پر آئی جس میں انہوں نے تنقید کرنے والوں کی طنزیہ حمایت کی۔ ویڈیو میں علی ظفر نے مداحوں کو مخاطب کرتے ہوئے کہا کہ کچھ بھی غلط ہو، کوئی گانا پسند نا آئے یا پرفارمنس اچھی نا ہو، ان سب کا ذمہ دار میں ہوں۔ میری تصویر اپنے کمرے میں لگائیں اور روز صبح اٹھ کر اسے ماریں۔ علی ظفر نے ویڈیو میں مزید کیا کہا دیکھیں:
واضح رہے اس سے قبل مداحوں نے پاکستان سپر لیگ سیزن فائیو کے آفیشل ترانے اور گلوکاروں پر بھی شدید تنقید کی تھی۔