بالی ووڈ انڈسٹری کی معروف اداکارہ سری دیوی کی دوسری برسی کے موقع پر اداکار انیل کپور نے انسٹاگرام پر ان کی یاد میں پوسٹ شئیر کر دی۔
گزشتہ روز بالی ووڈ اداکارہ سری دیوی کی دوسری برسی کے موقع پر اداکار انیل کپور نے ان کے ساتھ گزرے لمحات پھر سے دہرائے اور سوشل میڈیا پر ان کے لیے اپنے جذبات شئیر کئے۔
انیل کپور نے اپنی انسٹاگرام پوسٹ پر لکھا کہ سری! 2 سال گُزر گئے ہیں اور ہم آپ کو روز یاد کرتے ہیں،’اِس موقع پر پُرانی یادوں کا تصور ایک تلخ احساس ہے۔
بھارتی اداکار نے سری دیوی کے ہمراہ گزارے وقت کا شکر ادا کیا اور کہا کہ وہ ہمیشہ ہمارے خیالات اور دُعاؤں میں شامل رہیں گی۔
واضح رہے کہ دو سال قبل سری دیوی دبئی میں ایک تقریب کے دوران دل کا دورہ پڑنے کے باعث انتقال کر گئی تھیں۔