گزشتہ روز پاکستان کی نامور گلوکارہ کومل رضوی نے ایک چینل کے اسپورٹس پروگرام میں شرکت کی جس میں انہوں نے ایک انوکھی بات کی۔
کومل رضوی کے مطابق اب وہ کِسی کے ساتھ سیلفی نہیں لیں گی۔ گلوکارہ کا کہنا تھا کہ 'میری بہت ساری سیلفیز وائرل ہوئیں۔ ایدھی صاحب کےساتھ سیلفی لینے پر کوئی شرمندگی نہیں تاہم اب توبہ کرلی ہے کہ کسی کے ساتھ سیلفی نہیں لوں گی'۔
انہوں نے مزید کہا کہ 'ہر انڈسٹری میں خواتین کو ہراساں کیا جارہاہے، مختلف جگہوں پرلڑکے لڑکیوں کو تنگ کرتے ہیں، شوبزمیں باٹم لائن ہے کہ آپ کو خوش باش اورفٹ رہنا چاہیے، اگر آپ میں ٹیلنٹ ہے تو ہماری انڈسٹری میں بہت مواقع ہیں'۔
گلوکارہ کا مزید کہنا تھا کہ 'کبھی ایسا وقت نہیں آیا کہ میری فیملی مجھ سےاختلاف کرے۔ جب تک ہر پاکستانی اپنے اندر تبدیلی نہیں لائے گا ملک میں تبدیلی نہیں آئے گی'۔