پاکستان شوبز انڈسٹری سے تعلق رکھنے والے اداکار فیروز خان نے شوبز انڈسٹری کو ہمیشہ کے لئے چھوڑ دِیا۔
گزشتہ دِنوں یہ افواہیں گردش کر رہی تھیں کہ فیروز خان اب کسی ڈرامہ سیریل میں نظر نہیں آئیں گے کیونکہ وہ اِس انڈسٹری کو چھوڑ چکے ہیں تاہم اس حوالے سے اداکار کا کوئی حتمی بیان سامنے نہیں آیا تھا۔
تاہم حال ہی میں سماجی رابطے کی ویب سائٹ ٹوئٹر پر فیروز خان نے اپنے مداحوں کے نام پیغام جاری کیا جِس میں اداکار کا کہنا تھا کہ 'مداح میرے بیان کا انتطار کر رہے تھے، میں آج یہ اعلان کرتا ہوں کہ میں نے شوبز انڈسٹری کو خیرآباد کہہ دِیا ہے'۔