کس کس نے نوازشریف کو فرار کروانے میں مدد کی؟

وفاقی وزیر سائنس اینڈ ٹیکنالوجی فواد چوہدری نے عمران خان کو خط لکھا جس میں انہوں نے نوازشریف کے پاکستان میں ہونے والے ٹیسٹ کی تحقیقات کا مطالبہ کیا ہے۔

خط میں کہا گیا کہ حقائق کا منظر عام پر آنا ضروری ہے کہ کس کس نے نوازشریف کو فرار کروانے میں مدد کی۔

خط میں مزید کہا گیا کہ نوازشریف کی برطانیہ میں تصاویر سےحالت اچھی نظر آرہی ہے اور نوازشریف برطانیہ میں ٹیسٹ رپورٹس بھی حکومت کے ساتھ شئیر نہیں کر رہے، تاثر یہ پیدا ہورہا ہے کہ برطانوی لیبارٹریز نے ان کی بیماری کی تصدیق نہیں کی۔

وفاقی وزیر نے خط میں کہا کہ پاکستان میں نوازشریف کی ٹیسٹ رپورٹس کی انتہائی ضروری ہیں، وزیراعظم تحقیقات کا حکم دیں۔ خدشہ ہے پاکستان میں ریلیف کیلئےجعلی ٹیسٹ رپورٹس تیار کی گئیں، لگتا ہے حقائق مسخ کر کے ان کے بیرون ملک جانے کی راہ ہموار کی گئی۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

3325