بارش کے موسم سے ہر کوئی لطف اندوز ہوتا ہے اور ایسے موسم میں لوازمات کھانے کا دل بھی خوب چاہتا ہے لیکن اگر آپ اس موسم میں اپنی صحت کو برقرا رکھنا چاہتے ہیں تو بس بتائی گئی ان چیزوں کو استعمال نہ کریں ورنہ آپ ہوسکتے ہیں بیمار اس سے آپ کو پیٹ درد، ہاضمہ خراب اور معدے کے مسائل پیدا ہوسکتے ہیں۔۔۔۔

پتوں والی سبزیاں:

پتوں والی سبزیوں کو اس موسم میں کھانے کے لیئے اس لیئے منع کیا جاتا ہے کیونکہ ان پر موجود جراثیم بارش کا پانی لگنے سے مذید متحرک ہوجاتے ہیں اور اس سے آپ کی صحت خراب ہونے کا خدشہ ہوتا ہے اسی لیئے ایسی سبزیوں سے گریز کریں جبکہ کڑوی سبزی جیسے کریلے، بھنڈی اور گوبھی کو ضررو کھائیں۔

ٹھیلے پر بکنے والے جوس:

ٹھیلے پر بکنے والے مشروبات میں چونکہ ہوا کی نمی اور مکھیوں کے ڈیرے بھی ہوتے ہیں ناقص صفائی ہوتی ہے اس لیئے اس موسم میں ان کو پینے سے آپ کے نظامِ انہضام پر بڑا اثر پڑتا ہے ڈائریا جیسی بیماری لاحق ہوجاتی ہے۔

سوفٹ ڈرنک:

سوفٹ ڈرنک ہمارے جسم میں معدنیات کو کم کرتے ہیں جس کے نتیجے میں انزائم غیر متحرک ہوجاتے ہیں۔ اس لیئے ان کو پینے سے بہتر ہے کہ آپ لیموں پانی،ادرک کی چائے وغیرہ استعمال کریں۔کیونکہ ماہرین کہتے ہیں کہ: "اس سیزن میں ہمارا نظامِ ہاضمہ حساس ہوجاتا ہے اس لیئے سوفٹ ڈرنک سے گریز کریں"۔

تلی ہوئی اشیاء:

بارش ہو اور گرما گرم پکوڑے، سموسے نہ کھائیں یہ ممکن ہی نہیں لیکن ڈاکٹرز کہتے ہیں کہ ایسے موسم میں جسم کو چکنائی کی فرائڈ چیزوں سے محفوظ رکھیں۔ مون سون کا انتہائی مرطوب موسم ہوتا ہے جو ہمارے ہاضمے کے عمل کو سست کرنے کا سبب بنتا ہے۔ اور فرائڈ آئٹم سے معدے اور پیٹ کی خرابی جیسی معدے کی پیچیدگیوں کا سبب بن سکتے ہیں۔

سمندری کھانے:

بارش کے موسم میں سمندری حیات کا چونکہ بریڈنگ سیزن ہوتا ہے لہٰذا ان کو قطعی طور پر نہ کھائیں۔