دنیا کی کھرب پتی شخصیت بل گیٹس کا کہنا تھا کہ کورونا کا خاتمہ پہلے امیر ممالک ہو گا مگر غریب ممالک اس وبا کا بدستور شکار رہیں گے۔ غریب ملکوں میں کورونا کی وبا سب سے آخر میں ختم ہوگی۔
تفصیلات کے مطابق بل گیٹس نے کہا کہ امیر ممالک میں کورونا کی وبا رواں سال نہیں بلکہ 2021ء کے آخر میں ختم ہونا شروع ہوگی جبکہ غریب ملکوں میں اس کے بعد یہ وبا کم ہوگی۔
بل گیٹس کا یہ بیان ایک ایسے وقت میں سامنے آیا ہے جب پوری دنیا میں کورونا ویکسین کی تیاری کے لئے پیش رفت کی امید افزا خبریں آ رہی ہیں۔ ماہرین یہ توقع کر رہے ہیں کہ کورونا وبا رواں سال کے آخر تک ختم ہو جائے گی مگر بل گیٹس کے بیان میں کہا گیا ہے کہ کورونا کی وبا سے ابھی مزید ہزاروں کی تعداد میں افراد لقمہ اجل بن سکتے ہیں۔
امریکی کمپنی مائیکروسافٹ کے بانی بل گیٹس نے "وائرڈ" میگزین کو انٹرویو دیتے ہوئے کہا کورونا کی تشخیص ،علاج اور ویکسین کی تیاری واقعی متاثر کن ہے۔