عالمی وبا کورونا وائرس سے متاثرہ افراد کی تعداد میں کہیں کمی آرہی ہے تو کہیں اضافہ ہورہا ہے۔
کورونا وائرس کے پھیلاؤ کو روکنے کے لئے دنیا کا ایک ملک ایسا ہے جس نے کورونا کے مریض کو دیکھتے ہی گولی مارنے کا حکم دے دیا ہے۔
یہ حکم 'شمالی کوریا' کی حکومت نے جاری کیا ہے۔
امریکی خبر رساں ادارے کے مطابق جنوبی کوریا میں تعینات امریکی فورسز کے کمانڈر 'رابرٹ ابرامس' نے بتایا ہے کہ شمالی کوریا کے حکام نے ملک میں کورونا وائرس کے پھیلائو کو روکنے کے لئے وبا سے متاثرہ مریض کو دیکھتے ہی گولی مارنے کا حکم دیا ہے۔
واشنگٹن میں آن لائن کانفرنس میں گفتگو کرتے ہوئے رابرٹ ابرامس کا کہنا تھا کہ 'شمالی کوریا نے بڑھتے کیسز کے پیش نظر کئی علاقوں میں سپیشل آپریشنز فورسز کو تعینات کر دیا ہے اور فورسز کو ہدایات جاری کی گئی ہیں کہ کورونا وائرس کے مریض کو دیکھتے ہی گولی مار دی جائے'۔