ترکی کی پہلی فلائنگ کار نے اوّلین تجرباتی پرواز کامیابی سے مکمل کر لی

انقرہ (ویب ڈیسک )ترکی کی قومی ڈرون کمپنی بائکار کی ملّی امکانات سے تیار کردہ اور ترکی کی پہلی فلائنگ کار 'جیزیری' نے ابتدائی تجرباتی پروازیں کامیابی سے مکمل کر لی ہیں۔جزیری کی تجرباتی پروازیں 11 ستمبر بروز جمعہ شروع ہوئیں۔ کار ترک انجئینروں کی ڈیزائن کردہ ہے اور 230 کلو گرام کے اوّلین پروٹوٹائپ کے ساتھ تجرباتی پروازوں میں کار نے 10 میٹر کی بلندی پر پرواز کی۔فلائنگ کار کے بارے میں خیالات کا اظہار کرتے ہوئے بائیکار کے تکنیک منیجر سلجوق بائراکتار نے کہا ہے کہ " آئندہ دنوں میں ہم زیادہ ترقی یافتہ پروٹوٹائپ تیار کریں گے اور انسان کے ساتھ پرواز کریں گے۔خیال ظاہر کیا جا رہا ہے کہ مستقبل میں جیزیری فلائنگ کار فضائی رسل و رسائل میں بنیادی تبدیلیاں لائے گی ۔ گاڑی کا ڈیزائن مسافر اور کارگو رسل و رسائل میں فعال کردار ادا کر سکنے سے ہم آہنگ شکل میں تیار کیا گیا ہے۔بجلی سے اڑنے والی اور تین سمارٹ فلائنگ سسٹموں کی حامل جیزیری کو آرٹیفشل انٹیلی جنس سسٹموں سے لیس کیا جائے گا۔گاڑی کے 100 کلو میٹر فی گھنٹہ کی رفتار سے اڑنے ، 200 میٹر کی بلندی تک جانے اور ایک گھنٹہ تک فضا میں رہ کر 70 سے 80 کلو میٹر تک کا فاصلہ طے کرنے کا ہدف قائم کیا گیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

86