عالمی وبا کورونا وائرس کے آغاز سے اب تک کئی ایسے واقعات رونما ہو چکے ہیں جو انسانی عقل کو چکرا کر رکھ دیں۔
یہیں ایک بھارتی سیاستدان کا مضحکہ خیز بیان سامنے آیا ہے، جسے سننے کے بعد ہر کوئی ہنسنے پر مجبور ہوجائے۔
بھارتی میڈیا رپورٹس کے مطابق انڈیا کی ریاست راجستھان سے تعلق رکھنے والے رکن اسمبلی 'سکھبیر سنگھ' نے یہ دعویٰ کیا ہے کہ 'کیچڑ میں نہانے سے کورونا وائرس نہیں ہوتا'۔
سکھبیر سنگھ کی ویڈیو سوشل میڈیا پر وائرل ہوئی۔ ویڈیو میں دیکھا جا سکتا ہے کہ بھارتی رکن اسمبلی کیچڑ میں نہا رہے ہیں، ساتھ ہی وہ عوام کو پیغام دے رہے ہیں کہ ''باہر جائیں، بارش میں بھیگ جائیں، گندگی میں بیٹھ جائیں، کھیتوں میں کام کریں اور دیسی چیزیں کھائیں۔ ایسا کرنے سے کورونا وائرس کا اثر ختم ہوجاتا ہے''۔
تاہم رپورٹس کے مطابق ویڈیو جاری ہونے کے بعد رکن اسمبلی سکھبیر سنگھ خود بھی کورونا وائرس کا شکار ہوگئے۔