حکومت کی جانب سے سندھ بھر میں 21 ستمبر سے چھٹی سے لے کر آٹھویں جماعت کھولی جانی تھی تاہم سعید غنی نے ان جماعتوں کو کھولنے کا فیصلہ مؤخر کردیا ہے۔
کچھ دیر قبل سعید غنی نے پریس کانفرنس کی جس میں ان کا کہنا تھا کہ '21 ستمبر سے 6 سے 8ویں جماعت نہیں کھول رہے'۔
سعید غنی نے کہا کہ 'ہم پہلے دیکھیں گے کہ اسکولوں کے کیا حالات ہیں، جب تک ہمیں مکمل اطیمنان نہیں ہوجاتا، تب تک اسکول نہیں کھولے جائیں گے'۔
ان کا کہنا تھا کہ 'اگر صورتحال بہتر ہوئی تو امید ہے کہ 28 ستمبر سے اسکول کھول دیے جائیں گے'۔
انہوں نے والدین کو ہدایت جاری کی کہ 'اپنے بچوں کو ایس او پیز پر لازمی عمل کروائیں ورنہ یہ ان کے لیے خطرناک ثابت ہو سکتا ہے'۔
صوبائی وزیر نے یہ انکشاف بھی کیا کہ 'تاحال کچھ اسکول ایس او پیز پر عمل نہیں کر رہے جس کی وجہ سے بڑا نقصان ہو سکتا ہے'۔