یمن کے حوثی باغیوں کی جانب سے سعودی عرب کے سرحدی شہر جازان کے علاقے الحرث پر گولہ باری کی اور میزائل سے حملہ کیا جس کے نتیجے میں 5 افراد زخمی ہوئے اور 3 گاڑیاں تباہ ہوگئیں۔
تاہم گولے رہائشی عمارتوں اور گاڑیوں پر گرے جس کے نتیجے میں 3 گاڑیاں مکمل طور پر تباہ ہوگئیں اور عمارتوں کو بھی شدید نقصان پہنچا۔
جازان کی حکومت کی جانب سے یہ دعویٰ کیا گیا ہے کہ بر وقت کارروائی کے نتیجے میں علاقے کو بڑے نقصان سے بچا لیا گیا ہے۔
حملے کے بعد زخمیوں کو طبی امداد فراہم کی گئی جبکہ علاقہ مکینوں کو فوری طور پر محفوظ مقام پر منتقل کردیا گیا، جبکہ سرحد کو محفوظ بنانے کے لیے بھاری نفری بھی تعینات کی گئی۔
حوثی باغیوں کے ترجمان نے حملے میں 3 ہلاکتوں کا دعویٰ کیا ہے جبکہ انہوں نے کہا ہے کہ گولہ باری اتحادی فوج کی چوکی پر کی گئی اور شہری علاقے پر گولہ باری کے سعودی الزام کو بھی مسترد کردیا۔