سندھ میں اسکول دوبارہ بند ہونے کے حوالے وزیر تعلیم سعید غنی کا اہم بیان سامنے آیا ہے۔
تفصیلات کے مطابق سعید غنی کا کہنا ہے کہ 'کورونا وائرس کے اثرات بڑھنے پر لاک ڈؤان کا آپشن موجود ہے، لیکن سندھ میں اسکول دوبارہ بند نہیں کیے جائیں گے۔ سندھ حکومت کی جانب سے مسلسل اسکولوں کی نگرانی ہو رہی ہے'۔
ان کا کہنا تھا کہ 'کورونا کے باعث اسکولوں کو دوبارہ بند کرنے کی باتیں محض افواہ ہے، اگر صورتحال خراب ہوئی تو حالات دیکھتے ہوئے فیصلہ کیا جائے گا'۔
واضح رہے کراچی سمیت صوبے بھر میں کورونا کے کیسز کی تعداد میں اضافہ ہورہا ہے جس کی وجہ اسکول کھلنے کو قرار دیا جارہا ہے جبکہ کراچی میں کیسز بڑھنے کے بعد کچھ علاقوں میں مائیکرو اسمارٹ لاک ڈاؤن بھی نافذ کر دیا گیا ہے۔