موٹروے کیس: عابد علی کو مار کر دفن کردیا گیا ہے، اب اس کی لاش بھی ملنا مشکل ہے۔۔۔ مرکزی ملزم سے متعلق اہم انکشاف

موٹروے پر خاتون کے ساتھ زیادتی والے کیس کا مرکزی ملزم عابد تاحال فرار ہے جبکہ پولیس کی غیر ذمہ داری عوام کے لیے ایک سوالیہ نشان بن گئی ہے۔

تفصیلات کے مطابق سینئر صحافی عمران ریاض نے اس حوالے سے اپنے خیالات کا اظہار کرتے ہوئے کہا ہے کہ 'مجھے 3 زبردست کرائم رپورٹرز نے بتایا ہے کہ سانحہ موٹروے کیس کا ملزم عابد علی پولیس کی مدد سے ڈکیتیاں کرتا تھا۔ عابد علی پولیس کے کہنے پر ہی ڈکیتیاں کرتا تھا، پولیس والوں کے عابد کے ساتھ اچھے تعلقات تھے'۔

اس حوالے سے سینئر صحافی نے بتایا کہ 'اگر عابد علی کو گرفتار کر کے میڈیا کے سامنے لایا جاتا تو وہ بہت اہم انکشافات کرے گا کہ کس کس پولیس والے نے اس سے کون سے کام کروائے'۔

عمران ریاض خان کے مطابق 'ایک رپورٹر نے مجھے یہ بھی بتایا ہے کہ اس بات کا کافی زیادہ امکان ہے کہ عابد علی کو مار کر کسی نامعلوم جگہ دبا دیا گیا ہو اور اب اس کی لاش ملنے کے بھی کوئی امکانات نہیں ہیں'۔