بوڑھے افراد کس طرح صحت مند رہ سکتے ہیں؟ ماہرین کی یہ 1 ہی ٹپ آپ کو کبھی بوڑھا نہیں ہونے دے گی

کہتے ہیں کہ بڑھاپا سو بیماریوں کی جڑ ہوتا ہے، جب بھی یہ آتا ہے 10 مزید مختلف قسم کی بیماریاں اپنے ساتھ لاتا ہے۔ انسان کو بھولنے کی بیماری بڑھاپے میں لازمی ہوتی ہے۔ اب ایسے میں سوال یہ پیدا ہوتا ہے کہ خود کو فٹ کیسے رکھا جائے؟

امریکی ماہرین صحت کے مطابق ایسے افراد جن کے بہت زیادہ دوست ہوں اور جوانی میں ہر سرگرمی میں بڑھ چڑھ کر حصّہ لیا ہو، ایسے لوگوں کا دماغ بڑھاپے میں بھی صحت مند رہتا ہے، یہ تحقیق یونیورسٹی آف پٹس برگ اسکول آف پبلک ہیلتھ میں کی جس کی قیادت ڈاکٹر سنتھیا فیلکس نے کی۔

مطالعے کے بعد ماہرین کو معلوم ہوا کہ جو بزرگ سماجی طور پر زیادہ سرگرم اور ملنسار تھے، ان کے دماغی خلیات زیادہ بہتر طریقے سے کام کر رہے تھے۔

ان کے برعکس، میل جول ترک کردینے والے بزرگوں میں دماغی حصہ خاصی کمزور حالت میں تھا جبکہ یہاں زندہ اعصابی خلیات کی تعداد بھی بہت کم دیکھی گئی۔

دماغی اور اعصابی امراض کی کمزوری آپ ان لوگوں میں الزائیمر، پارکنسن اور ڈیمنشیا وغیرہ کا خطرہ بڑھا دیتی ہے۔ بعض مریضوں کو اسی بناء پر فالج کا سامنا بھی کرنا پڑسکتا ہے۔

ڈاکٹر سنتھیا کے مطابق اگر بڑھاپے میں آپ کا صرف ایک دوست بھی ہو جس کے ساتھ آپ وقت گزار سکیں اور جسے اپنی خوشی غمی میں شریک کرسکیں تو اس سے دماغی صحت پر بہت اچھا اثر پڑتا ہے اور آپ طویل عرصے تک صحت مند رہ سکتے ہیں۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

2808