دبئی میں مقیم ایک 37 سالہ پاکستانی محمد عرفان نے اپنا 47 کلو وزن کم کر کے یہ بتا دیا کہ وزن گھٹانا مشکل کام نہیں ہے۔ انہوں نے گفتگو میں بتایا کہ ان پہلے وزن 135 کلو تھا۔ عرفان بتاتے ہیں کہ ان کا وزن تیزی سے بڑھ رہا تھا اور انہیں چند سیڑھیاں چڑھنے میں مشکل پش آرہی تھی۔ بعد ازاں انہوں نے اپنا وزن گھٹانے کا پختہ ارادہ کیا۔
وزن کیسے کم کیا؟
محمد عرفان کا کہنا تھا کہ انہوں نے اپنے ایک دوست سے ملاقات کی جس نے
اپنا وزن کم کر کے اپنی زندگی بدل دی تھی،جس کے بعد عرفان بھی اپنے دوست کے نقشِ قدم پر چل پڑے۔
عرفان نے بتایا کہ انہوں نے یوٹیوب پر کچھ وزن کم کرنے والی ویڈیوز دیکھیں۔ انہوں نے چند لیموں خریدے ، شہد کا انتظام کیا اور پھر دونوں چیزوں کو گرم پانی میں مکس کر کے روزانہ معمول کے ساتھ پینا شروع کیا۔ اس دوران عرفان نے روٹی اور چاول بالکل ترک کردئے اور اس کی جگہ تازے پھل اور ابلی ہوئی چکن کھانا شروع کی۔
صرف ڈائٹ پلان ہی سب کچھ نہیں۔ محمد عرفان بتاتے ہیں کہ سب سے پہلے انہوں نے چہل قدمی کرنا شروع کی اور آہستہ آہستہ وہ جوگنگ کرنے کے مرحلے میں آئے۔ روزانہ آدھے گھنٹے کی ورزش سے انہوں نے حیران کن طور پر 47 کلو وزن کم کیا اور آج وہ ایک صحت بخش زندگی گزار رہے ہیں۔
