کورونا وائرس کی دوسری لہر دنیا بھر میں جاری ہے اور سردیوں کی آمد آمد ہے ایسے میں جرسیوں اور جیکٹس وغیرہ کے لئے متوسط طبقے سے لے کر امیروں تک ہر کوئی لنڈا بازار کا رخ ضرور کرتا ہے کیونکہ یہاں غیر ممالک کے مشہور برانڈز سے لے کر لوکل برانڈز تک کی ہر چیز باآسانی مل جاتی ہے۔
پاکستان کے لنڈا بازاروں میں زیادہ تر اشیاء آسٹریلیا، چین، پیرس، فرانس، کینیڈہ، جرمنی اور ویتنام کی ہوتی ہیں خصوصاً کپڑے اور جوتے۔ اب چونکہ ان ممالک میں کورونا وائرس کا زور زیادہ ہے تو یہاں سے آنے والے کپڑوں میں بھی کورونا کا خدشہ لاحق ہو سکتا ہے۔
اگر آپ بھی اس مرتبہ سردی میں ان کپڑوں کو خرید کر استعمال کرنے جارہے ہیں تو یہ جان لیں کہ ان کا استعمال کرنا صحیح ہے یا نہیں ۔۔؟
ان کپڑوں کا استعمال کریں، لیکن ذرا احتیاط سے کیونکہ کپڑوں میں کورونا کے اثرات عموماً 4 سے 8 گھنٹے تک رہتے ہیں، لیکن یہ حتمی نہیں ہے کہ یہ 8 گھنٹے بعد کورونا فری ہو جاتے ہیں۔
لہٰذا لنڈا کے کپڑوں کو استعمال کرنے کی ایسی آسان ٹپ جان لیں جو ان کپڑوں کو کورونا کے اثرات سے بچا سکے۔
ٹپ:
• ایک بالٹی میں نیم گرم پانی ڈالیں، اس میں چار چمچ لیکوئیڈ ڈٹرجنٹ ڈالیں۔
• پھر اس میں دو چمچ سوڈا اور دو چمچ سفید سرکہ ڈال دیں۔
• اب ان کپڑوں کو ایک سے دو گھنٹے بھیگنے دیں۔
• اس کے بعد پانی سے دھو کر کپڑوں میں سینیٹائزر کا سپرے کرلیں۔
لیجیئے آپ کے لنڈا بازار سے خریدے گئے کپڑے نئے اور چمکدار بھی ہوگئے، اور کورونا کے جراثیم بھی ختم ہوگئے۔