دنیا بھر کی مقبول ترین سماجی رابطے کی ویب سائٹ فیس بک نے اپنے صارفین کو نیا فیچر متعارف کروا دیا ، فیس بک کی جانب سے جاری کردہ اعلامیے کے مطابق اب میسنجر ایپ میں وینش موڈ فیچر فراہم کیا جائے گا ۔
تفصیلات کے مطابق یہ ایک ایسی سہولت ہے جس سے اس ' وینش موڈ' کوآن کر کے فیس بک میسنجر سے چیٹ بند کرنے کے بعد تمام میسج ، تصاویر اور ویڈیوز خود بہ خود ڈیلیٹ ہو جائیں گے۔
فیس بک ترجمان نے بتایا کہ صارفین کو یہ سہولت بھی میسر ہو گی کہ وہ کسی کو کوئی تصویر یا اسٹیکر بھیجیں یا ان کا کوئی دوست انہیں تصویر وغیرہ بھیجے تو صارف کے ایک بار دیکھنے کے بعد وہ خود بہ خود چیٹ سے غائب ہو جائے گی۔ مزید یہ کہ بھیجے گئے میسج یا تصویر کا اگر دونوں میں سے کوئی بھی صارف اسکرین شاٹ لے تو دوسرے صارف کو نوٹیفیکیشن کے زریعے آگاہ کردیا جائے گا ۔
واضح رہے کہ یہ فیچر اس وقت امریکہ کے صارفین کو آزمائشی طور پر فراہم کیا گیا ہے،کامیاب تجربے کی صورت میں ہی اسے دیگر ممالک کے صارفین کو بھی فراہم کیا جائے گا ۔