سعودی حکومت کی جانب سے مسجد الحرام اور مسجد نبویؐ زائرین اور دیگر افراد کے لیے ایک بہترین سہولت فراہم کرنے کا فیصلہ کیا گیا ہے۔
تفصیلات کے مطابق سعودی حکومت نے مسجد الحرام اور مسجد نبویؐ میں فری وائی فائی سروس فراہم کرنے کا فیصلہ کیا ہے۔
عرب خبر رساں ادارے کے مطابق کمیونیکیشن اینڈ انفارمیشن ٹیکنالوجی کے تحت سعودیہ میں 60 ہزار مقامات پر فری وائی فائی سروس فراہم کرنے کا اعلان کیا گیا ہے جس کے تحت عوامی مقامات پر شہریوں کو وائی فائی کی مفت سروس مہیا ہوگی۔
تاہم اسپتال، پارکس اور شاپنگ مالز میں بھی فری وائی فائی سروس فراہم کی جائے گی۔
واضح رہے مختلف شہروں میں انٹرنیٹ سروس فراہم کرنے والی کمپنیاں شہریوں کو دو گھنٹے کے لیے مفت وائی فائی کی سہولت فراہم کریں گی۔