آزربائیجان کے ساتھ امن معاہدہ طے کرنے پر آرمینیائی عوام کا غصہ کم نہ ہو سکا ، آرمینیائی وزیراعظم کو قتل کرنے کی سازش کی گئی جسے ناکام بنا دیا گیا ۔
آرمینیا ئی حکام کے مطابق وزیراعظم کے قتل کے منصوبے کو ناکام بنادیا گیا ہے جبکہ آرمینیا کی سیکیورٹی خدمات سرانجام دینے والے سابق سربراہ اور اپوزیشن لیڈر آرٹور وینٹسیان کو گرفتار کرلیا گیا تھا تاہم عدالت نے اپوزیشن رہنما آرٹووینٹسیان کی ۔گرفتاری کے فیصلے کو کالعدم قرار دیتے ہوئے انہیں رہا کردیا ۔
قتل کے منصوبے کو ناکام بنانے کے بعد نیکول پشینان نے سراپا احتجاج عوام سے پر امن رہنے کی اپیل کی ، سماجی رابطے کی ویب وسائٹ فیس بک پرانہوں نے پیغام میں واضح طور پر کہا کہ ' تشدد یا تشدد کو ہوا دینا کسی بھی لحاظ سے ملکی مفاد میں نہیں ہوگا'،انہوں کہا کہ حزب اختلاف بھی اعلان کرے کہ انہوں نے کسی بھی طرح کی پرتشدد کاروائی کی حمایت نہیں کی۔
واضح رہے کہ جنگ بندی کے معاہدے پر آرمینیائی لوگوں نے شدید غم و غصہ کا اظہار کیا ، ہزاروں لوگوں نے حکومت کے خلاف مظاہرہ بھی کیا اور نیکول پشینان کو غدار قرار دے کر ان سے مستعفیٰ ہونے کا مطالبہ کیا تھا۔