معروف گلوکارہ صنم ماروی کے بچوں کے حوالے سے لاہور کی گارڈین کورٹ نے آج ایک اہم فیصلہ سنایا ہے۔
تفصیلات کے مطابق گارڈین جج یعقوب نے گلوکارہ صنم ماروی کی درخواست پر فیصلہ سنایا، عدالت نے ہفتے میں چار دن بچے ماں کے ساتھ رہنے کا حکم دے دیا ہے۔
عدالتی فیصلے کے مطابق 3 دن بچوں کو باپ حامد کے ساتھ رہنے کا شیڈول جاری کیا جائے گا جبکہ صنم ماروی کے بیرون ملک ہونے پر بھی بچے سابق شوہر حامد کے پاس ہی رہیں گے۔
یاد رہے صنم ماروی نے شوہر سے جھگڑے اور علیحدگی کے بعد کورٹ میں اپنی درخواست دائر کی تھی جس میں کہا تھا کہ میں بچوں کے بغیر نہیں رہ سکتی، بچے زبردستی سابق شوہر نے اپنے پاس رکھے ہوئے ہیں۔