گزشتہ روز اداکارہ عروہ حسین اور فرحان سعید کی علیحدگی کی خبروں کا خوب چرچہ رہا اور سوشل میڈیا پر #عروہ-فرحان ٹاپ ٹرینڈ بھی رہے۔ لیکن اس حوالے سے عروہ اور فرحان دونوں کا ہی کوئی بیان سامنے نہیں آیا۔
مگر اداکارہ عروہ کے والد کے بیان کی خبر یں میڈیا پر وائرل ہو رہی ہیں ۔ والدمخدوم حسین کا کہنا ہے کہ: بیٹی اور داماد نے کسی قسم کی کوئی علیحدگی نہیں کی ہے، بلکہ دونوں اپنے گھر میں خوش و خرم ہیں، خوشی کے ساتھ اپنی زندگی بسر کر رہے ہیں۔
ساتھ ہی غلط افواہیں پھیلانے والوں کو والد نے پیغام دیا ہے کہ: میری بیٹی اور فرحان کے خلاف جھوٹی خبریں نہ پھیلائی جائیں، دونوں ایک دوسرے کے ساتھ بہت خوش ہیں اور آئندہ ماہ اپنی شادی کی سالگرہ بھی منائیں گے۔
Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.