ماں کی موت کینسر سے ہوئی، والدین کے بغیر خالی گھر مجھے کاٹنے کو دوڑتا تھا، شاہ رخ خان کی زندگی کے سب سے غمگین لمحات کی کہانی

والدین ہمارے لئے سب سے بڑی نعمت ہیں چاہے کوئی سیلیبریٹی ہو یا کوئی عام انسان ہر کسی کے لئے والدین بہت زیادہ اہمیت رکھتے ہیں۔ بولی وڈ کے کنگ خان جو زندگی میں کبھی نہ روئے مگر اپنے والدین کو یاد کرتے ہوئے آبدیدہ ہو جاتے ہیں۔

ایک انٹرویو میں کنگ خان کا کہنا تھا کہ: '' میرے والد کا انتقال اس وقت ہوا جبکہ میں کم عقل تھا۔ 15 سال کی عمر میں والد نے ساتھ چھوڑ دیا۔ اور 26 سال کا ہوا تو جوانی میں ماں نے ساتھ چھوڑ دیا۔ جس وقت مجھے معلوم ہوا کہ امی کو کینسر ہے اس کے ڈھائی مہنے بعد والدہ اس دنیا سے چلی گئیں۔ دونوں کی وفات کے بعد خالی گھر مجھے کاٹنے کو آتا تھا، تنہائی برداشت نہ ہوتی تھی، میری زندگی کے سب سے غمگین لمحات میرے والدین کی وفات ہے۔ اکثر اپنے والدین کی قبر پر جاتا اور سوچتا تھا کہ میں اداکاری سے کنارہ کر لوں مگر پھر روتے ہوئے ہچکی بندھتی تھی اور خیال آتا کہ گھر میں میرے لئے کچھ نہیں۔ میری تنہائی نےمجھے مضبوط کیا اور پھر ایک کے بعد ایک فلموں میں کام کیا تا کہ خالی گھر اور بے جان دل کو کہیں مصروف رکھ سکوں’’.

شاہ رخ خان نے مذید کہا کہ: میرے نزدیک اداکاری کوئی کام نہیں بلکہ جزبات پر قابو پانے کا ذریعہ ہے۔ والدین کی وفات سے مجھے یہ معلوم ہوگیا ہے کہ موت ایک ایسی ہچکی ہے جو صرف ایک بار آتی ہے۔