بھارتی ڈراموں میں اپنی اداکاری کے جوہر دکھانے والی معروف اداکارہ دیویا بھٹنگر عالمی وبا کورونا وائرس کے سبب جان کی بازی ہار گئیں۔
بھارتی میڈیا کے مطابق اداکارہ دیویا بھٹنگر ایک ہفتے سے کورونا وائرس میں مبتلا تھیں جبکہ طبعیت زیادہ بگڑنے پر انہیں وینٹی لیٹر پر منتقل کر دیا گیا تھا۔
34 سالہ اداکارہ کورونا وائرس میں مبتلا ہونے کے ساتھ ساتھ نمونیہ میں بھی مبتلا تھیں، طبعیت زیادہ بگڑنے پر انہیں 26 نوبر کو اسپتال منتقل کیا گیا تھا۔
انہوں نے بھارت کے معروف ٹی وی سیریل ''یہ رشتہ کیا کہلاتا ہے'' میں اداکاری کے جوہر دکھائے تھے جبکہ انہوں نے ڈرامہ ''سنسکار'' اور ''اڑان'' میں بھی اداکاری کی تھی۔