محکمہ موسمیات کی جانب سے آج سے ملک کے بیشتر علاقوں میں بارش کی پیشگوئی کی گئی ہے، ٹھنڈ میں اضافہ متوقع۔
تفصیلات کے مطابق جمعے اور ہفتے کے روز پاکستان کے بالائی علاقوں مری گلیات اور گردونواح میں بارش کا امکان ہے تاہم محکمہ موسمیات کی جانب سے بارشوں کے باعث گلگت بلتستان کشمیر اور بالائی خیبر پختون خواہ میں لینڈ سلائیڈنگ کا بھی خدشہ ظاہر کیا گیا ہے۔
جنوبی وسطی اور بالائی پنجاب کے علاوہ خیبر بختون خواہ اور بدیگر بالائی علاقوں میں بھی بارش کا امکان ہے، بلوچستان کے مختلف علاقوں میں بھی رِم جِھم ہوگی۔
محکمہ موسمیات نے سندھ میں سکھر اور لاڑکانہ میں بارش کا امکان ظاہر کیا ہے تاہم اس کے نتیجے میں کراچی سمیت دیگر شہروں میں ٹھنڈ بڑھ جائے گی۔
واضح رہے کہ آج صبح کراچی کا درجہ حرارت 16 ڈگری سینٹی گریڈ ریکارڈ کیا گیا ہے۔