ارطغرل غازی کا پاکستان آمد پر استقبال کیسے کیا گیا اور وہ یہاں کیا کر رہے ہیں؟ دیکھیں چند تصاویر اور ویڈیو مناظر

پاکستان سمیت پوری دنیا میں اپنی عمدہ پہچان قائم کرنے والے ترک اداکار اینجن التان کا پاکستان میں پرتپاک استقبال کیا گیا۔

گزشتہ روز ترک اداکار کا استقبال علامہ اقبال انٹرنیشنل ایئرپورٹ پر کیا گیا جس کے بعد انہیں فارم ہاؤس لے جایا گیا جہاں اُن کے لئے خصوصی دعوت کا اہتمام کیا گیا تھا۔

دیریلیش ارطغرل غازی نے لاہور میں منعقد ہونے والی تقاریب میں شرکت کی جبکہ انہوں نے شہر کے مختلف جگہوں کا دورہ بھی کیا، اس دوران انہوں نے پرائیوٹ ہوٹل میں پاکستانی اور ترک لذید کھانے بھی کھائے۔

مختصر آمد پر ترک اداکار لاہور کے دیگر مشہور مقامات کی سیر کریں گے اور پھر دو روز بعد اسلام آباد روانہ ہوجائیں گے۔

ارطغرل غازی کے مرکزی کردار اینجن التان کے پاکستان آنے پر سوشل میڈیا صارفین میں خوشی کی لہر دوڑ گئی ہے، علاوہ ازیں سماجی رابطے کی ویب سائٹ ٹوئٹر پر ’ویلکم ٹو پاکستان‘ اور ’اینجن التان‘ اور ’ارظغرل غازی‘ صبح سے ہی ٹاپ ٹرینڈ بن چکا ہے۔