کراچی: پاکستان شوبز کی سابقہ اداکارہ نور بخاری کو کرسمس کا دن منانے پر
سوشل میڈیا صارفین کی صارفین کی جانب سے سخت تنقید کا سامنا کرنا پڑا ہے، جس پر انہیں وضاحت دینی پڑگئی۔
ذرائع کے مطابق چند روز قبل نور بخاری نے فوٹو اینڈ ویڈیو شئیرنگ ایپلیکیشن انسٹا گرام اسٹوری پر عیسائیوں کے مذہبی تہوار کرسمس کے حوالے سے ویڈیوز پوسٹ کیں جس میں وہ کرسمس ٹری سجارہی ہیں اور اس پر میری کرسمس لکھا ہوا نظر آرہا ہے۔
اداکارہ کی جانب سے ایسا کرنا صارفین کو بالکل برداشت نہ ہوا اور اُن پر شدید تنقید بھرے تبصرے کر ڈالے جس کے بعد نور بخاری کو اپنے اس اقدام کی وضاحت بھی دینی پڑگئی۔
نور نے اپنی ایک اور پوسٹ کے ذریعے وضاحتی بیان دیتے ہوئے کہا کہ میں عیسائی نہیں ہوں لیکن میں چاہتی ہوں کہ میرے بچے تمام مذاہب کا احترام کریں کیوںکہ وہ بھی اہل کتاب میں سے ہیں لہٰذا یہ ہماری طرف سے ایک مثبت اشارہ ہے۔
نور بخاری نے یہ بھی لکھا کہ میری بیٹیوں کو کرسمس ٹری بہت پسند ہے اس لیے مجھے نہیں لگتا کہ اس آویزاں کرنے میں کوئی نقصان ہے کیونکہ ہم سب ہی اللہ کی مخلوق ہیں۔
سوشل میڈیا صارفین کے تبصرے دیکھیں۔