بالی ووڈ کے مشہور اداکار سلمان خان کی ایک ویڈیو وائرل ہو رہی ہے جس میں وہ بڑی مہارت سے پیاز کا اچار ڈال رہے ہیں۔
دبنگ خان، سلو میاں کے القابات سے مشہور بالی ووڈ کے سلمان خان اداکار، پینٹر، گلوکار اور میزبان تو ہیں ہی، لیکن حال ہی میں دنیا نے ان کا ایک نیا ٹیلنٹ دیکھا جو کہ کھانا پکانے کا ہے۔
اداکار کی اس خوبی کا مظاہرہ حال ہی میں دیکھنے میں آیا جب انہوں نے بڑی ہی مہارت سے پیاز کا اچار ڈالا۔
بالی ووڈ اداکارہ بینا کاک نے اپنے انسٹاگرام اکاؤنٹ پر ایک ویڈیو شئیر کی ہے جس میں سلمان خان کسی ماہر شیف کی طرح پیاز کا اچار ڈال رہے ہیں اور ساتھ ہی ساتھ تمام مصالحوں کے بارے میں بھی بتا رہے ہیں۔
ویڈیو کے آخر میں انہوں نے اچار کھایا اور اسے بہت مزے دار قرار دیا۔ جس پر بینا کاک نے ہنستے ہوئے کہا خود کی تعریف۔ ویڈیو کے کیپشن میں بینا کاک نے سلمان خان کو ہرفن مولا قرار دیا۔
تاہم کچھ روز قبل بھی اداکار کی ایک ویڈیو وائرل ہوئی تھی جس میں وہ کھانا پکا رہے تھے۔