پاکستانی شوبز کے معروف اداکار و میزبان احمد علی بٹ نے حال ہی میں اپنی نئی تصویر شئیر کیں جس میں ان کا وزن بہت کم دیکھ کر صارفین دنگ رہ گئے۔ تصویر دیکھ کر یوں لگتا ہے کہ اداکار نے کافی مہینوں تک جَم کر ورک آؤٹ کیا جس کا انہوں نے بہترین نتیجہ حاصل کیا ہے۔
فلم یہ جوانی پھر نہیں آنی میں بہترین اداکاری کے جوہر دکھانے والے مشہور اداکار اور ڈانسر احمد علی بٹ نے سماجی رابطے کی ویب سائٹ انسٹاگرام پر اپنی تازہ ترین تصویر شئیر کی جس میں دیکھا گیا کہ انہوں نے کافی حد تک اپنے وزن میں کمی کرلی ہے، وہیں انسٹاگرام صارفین تبصروں پر ان سے وزن گھٹانے کی ٹپس شئیر کرنے کا مطالبہ کر رہے ہیں۔
اداکار نے کچھ دن قبل ہی انسٹاگرام لائیو سیشن کے دوران اس بات کا انکشاف کیا کہ وہ آج کل ‘کیٹو ڈائیٹ’ کر رہے ہیں، اور اداکار نے جو تصویر شیئر کی ہے وہ دراصل ان کی آنے والی نئی فلم ”پھٹے ڈنڈے چک پنجابی“ کے سیٹ کی تھی۔ یوں لگتا ہے کہ اداکار نے فلم پروجیکٹ کے لئے اپنا وزن کم کیا ہے۔
وزن گھٹانے پر جہاں صارفین احمد علی بٹ کو سراہ رہے ہیں وہیں بہت سے صارفین ایسے بھی ہیں جو ان سے کہہ رہے ہیں کہ آپ موٹے ہی بہت اچھے اور ہینڈسم تھے۔