انسان کو اپنے آس پاس نظر نہ آنے والی غیر مرئی مخلوق کی موجودگی کے بارے میں علم ہوجائے تو وہ خوف کا شکار ہوجائے وہیں کچھ لوگ بہادر بھی ہوتے ہیں جو پراسرار آوازوں کو سننے کے باوجود اپنی جگہ سے ٹس سے مس نہیں ہوتے۔
آپ نے اس سے قبل جن، بھوتوں یا انسانی آنکھ کو نظر نہ آنے والی مخلوق کی موجودگی کے حوالے سے متدد واقعات سنے ہوں گے مگر یہ واقعہ جان کر کسی کے بھی ہوش اڑھ جائیں۔
اے آر وائی ڈیجیٹل کے پروگرام ’گڈ مارننگ پاکستان‘ کی میزبان ندا یاسر نے کنگ شو میں جن کی آمد سے متعلق واقعہ سنایا جسے ہم آپ کے سامنے پیش کر رہے ہیں۔
ندا یاسر نے بتایا کہ میں ایک کنگ شو کی میزبانی کررہی تھی، اُس میں جو شیف تھے وہ میٹھے کے پروگرام کرتے تھے، انہوں نے بڑا پیالہ چینی سے بھر کر میز پر رکھا اور کسی کام سے نیچے جھکے، وہ جب واپس آئے تو پیالے سے چینی غائب تھی۔
میزبان نے بتایا کہ ایسی بہت ساری چیزوں کا ذاتی تجربہ رہ چکا ہے جبکہ بہت سارے لوگ ایسے ہی حالات کا سامنا کر بھی رہے ہیں۔