پاکستانی شوبز انڈسٹری یوں تو کئی باصلاحیت اداکاروں سے بھری ہوئی ہے جن کے کئی مداح موجود ہیں لیکن کچھ ایسے ننھے اداکار بھی ہوتے ہیں جو ہر دیکھنے والے کو پسند آتے ہیں۔
آج ہم آپ کو بتانے جا رہے ہیں ڈرامہ سیریل چھلاوا میں ایک بھوت کا کردار ادا کرنے والی بچی کے بارے میں جس کی اداکاری کا ہر کوئی مداح ہے۔ انوشے رانیہ خان کو آج کل آپ چھلاوا اور لوگ کیا کہیں گے جیسے مشہور ڈاموں میں اداکاری کے جوہر دکھاتے دیکھ رہے ہیں۔
دونوں ڈراموں میں اس بچی کی اداکاری اتنی بہترین ہے کہ ہر کوئی اس کی تعریف کرنے پر مجبور ہو گیا ہے۔
حال ہی میں انہوں نے ایک انٹرویو دیا جس میں انوشے نے اپنی اصل زندگی سے متعلق کچھ چٹ پٹی باتیں کیں۔
اداکارہ انوشے رانیہ خان کا کہنا تھا کہ میرے ہر ڈرامہ کا اسکرپٹ میری امی منتخب کرتی ہیں، وہ مجھے بتاتی ہیں کہ کون سا ڈرامہ کرنا چاہیے اور کون سا نہیں۔
انوشے نے بتایا کہ میرے والد آرمی میں ہیں جبکہ میں بھی آرمی افسر بننا چاہتی ہوں۔ انوشے نے یہ بھی بتایا کہ میری والدہ ڈاکٹر ہیں۔
ننھی اداکارہ کا کہنا تھا کہ میں اپنے ماں باپ کی اکلوتی اولاد ہوں، میں اپنے بابا سے جو بھی فرمائش کرتی ہوں وہ فوراً پوری کر دیتے ہیں۔
انوشے کا کہنا تھا کہ وہ اپنے کام کو بہت انجوائے کرتی ہیں جبکہ انہوں نے کام کے ساتھ ساتھ پڑھائی بھی جاری رکھی ہوئی ہے۔ انوشے کا پسندیدہ مضمون بائیولوجی ہے۔
اس کے علاوہ اپنے انٹرویو میں انوشے نے ڈرامے کے سیٹ پر ہونے والے مزے دار قصے بھی سنائے۔
انہوں نے مزید کیا کہا، دلچسپ ویڈیو ملاحظہ کیجیے: