پاکستان پیپلز پارٹی کے چئیرمین بلاول بھٹو زرداری کی ہمشیرہ اور شہید محترمہ بے نظیر بھٹو اور آصف علی زرداری کی صاحبزادی بختاور بھٹو زرداری رواں ہفتہ شادی کے بندھن میں بندھنے جا رہی ہیں۔
تاہم آج بختاور اپنا 31 واں یومِ پیدائش بھی بنا رہی ہیں۔ شادی سے قبل محفلِ میلاد منعقد کی گئی جس کی تصاویر رہنما پی پی پی اور رکن سندھ اسمبلی شرمیلا فاروقی نے سوشل میڈیا پر شیئر کی ہیں۔
پی پی رہنما شرمیلا فاروقی نے اپنے تصدیق شدہ انسٹاگرام اکاؤنٹ پر مختف اسٹوریز میں تصویریں شئیر کیں۔ مذکورہ تصویروں میں دیکھا جاسکتا ہے شرمیلا فاروقی سمیت دیگر پی پی رہنما کورونا وائرس ایس او پیز پر عمل کرتے ہوئے محفلِ میلاد میں موجود ہیں۔
شرمیلا فاروقی نے محفلِ میلاد کی ایک تصویر کے کیپشن میں بختاور بھٹو اور محمود چوہدری کے لیے دعائیہ پیغام جاری کرتے ہوئے لکھا کہ ''اللہ تعالیٰ اس جوڑے کو اپنی نعمتوں اور رحمتوں سے نوازے، آمین''۔
اس کے علاوہ بھی شرمیلا فاروقی نے بختاور بھٹو کی محفلِ میلاد کی دیگر تصاویر شئیر کیں۔
یاد رہے ترجمان بلاول ہاؤس کے مطابق بختاور بھٹو زرداری کی شادی کی تقریبات 27 جنوری کو شروع ہوں گی، ان کا محمود چوہدری سے نکاح 29 جنوری کو اور ولیمہ 30 جنوری کو ہوگا۔