پاکستان کے معروف گلوکار عمیر جسوال نے اپنی اہلیہ اداکارہ ثناء جاوید کے ساتھ ایک خوبصورت تصویر شئیر کی ہے جو کہ سوشل میڈیا پر کافی وائرل ہو رہی ہے۔
عمیر جسوال نے سماجی رابطے کی ویب سائٹ انسٹاگرام پر ثناء کے ساتھ تصویر شئیر کی جس میں وہ دونوں موٹر سائیکل پر بیٹھے ہیں۔ گلوکار نے تصویر پر دلچسپ کیپشن بھی تحریر کیا۔
گلوکار نے پوسٹ کے کیپشن میں لکھا کہ ''میری پسندیدہ بائیکر لڑکی، میں تم سے، تمہارے بے تکے لطیفوں، تمہارے غلط وقت پر ہنسنے سے محبت کرتا ہوں، اور جب میں تم سے دور ہوتا ہوں تو تمہاری ایڈونچر سے بھرپور عادتوں کو بہت یاد کرتا ہوں''۔
عمیر جسوال نے ثنا جاوید کو ایک سیدھا سادہ اور بے ضرر انسان قرار دیتے ہوئے مزید لکھا کہ ''چلو تمہیں تمہاری بائیک دلوادی جائے، کیونکہ آپ نے تو یقیناً مجھے گرا دینا ہے''۔
عمیر جسوال کی جانب سے اپنی پوسٹ کے آخر میں دو دلچسپ ہیش ٹیگ کا استعمال بھی کیا گیا، جس میں انہوں نے لکھا کہ 'بیوی کی ہر بات نہیں مانتے' جبکہ دوسرے ہیش ٹیگ میں لکھا کہ 'نہیں ثنا تم مجھے بائیک رائیڈ پر نہیں لے جاسکتی ہو'۔