وزیر تعلیم شفقت محمود کا اہم ترین بیان سامنے آیا ہے جس میں ان کا کہنا ہے کہ اب ملک بھر کے تمام تعلیمی ادارے ہفتے میں 5 روز کھلیں گے۔
تاہم اس کا نفاذ یکم مارچ سے ہو گا۔ وفاقی وزیر تعلیم شفقت محمود نے سوشل میڈیا پر اپنے پیغام میں کہا کہ کچھ بڑے شہروں کے اسکول پر 28 فروری تک مرحلہ وار کلاسز لیں گے۔
شفقت محمود کا کہنا تھا کہ فیصلے کا اطلاق ان تمام شہروں پر ہو گا جہاں پابندیاں عائد کی گئیں تھیں، اللہ کے فضل سے ہم نارمل حالات کی جانب جا رہے ہیں۔
یاد رہے کہ گزشتہ روز این سی او سی نے ملک بھر میں کورونا وائرس کی وجہ سے بند مزارات کھولنے، شاپنگ مالز کھولنے کے اوقات کار بڑھانے اور ہوٹلوں میں کورونا ایس او پیز کے ساتھ ان ڈور ڈائننگ کی سہولت فراہم کرنے کی اجازت بھی دی تھی۔