اے سی سی اے کے امتحان میں ٹاپ کر کے دنیا بھر میں پاکستان کا نام روشن کرنے والی ہونہار طالبہ زارا نعیم کے ایک انٹرویو کا کلپ سوشل میڈیا پر کافی وائرل ہو رہا ہے جس میں وہ اپنا موازنہ پارٹی گرل دنانیر مبین سے کروانے پر سخت ناخوش نظر آ رہی ہیں۔

وائرل ہونے والے ویڈیو کلپ میں آپ دیکھ سکتے ہیں کہ زارا یہ کہتی ہوئی دکھائی دے رہی ہیں کہ وہ اس موازنے پر کافی مایوس ہیں، وہ اپنے اور دنانیر کے موازنے پر خوش نہیں ہیں، اُن کے اور دنانیر کے وائرل ہونے میں اس موازنے نے بھی بڑا کردار ادا کیا ہے لیکن یہ بہت غلط ہے۔

انہوں نے مزید اس حوالے سے کہا کہ ''مجھے یہ موازنہ غلط لگا اور یقیناً دنانیر کو بھی غلط لگا ہوگا، موازنہ برابری پر کیا جاتا ہے، جب دو چیزیں بالکل مختلف ہوں تو آ پ موازنہ نہیں کر سکتے، اس موازنے کا کوئی سر پیر نہیں ہے''۔

زارا کا مزید کہنا تھا کہ ''یہ موازنہ اُن کے لیے حوصلہ شکنی کے مترادف ہے، کیوں کہ کچھ افراد اُن کے حق میں ہیں اور کچھ دنانیر کے حق میں ہیں''۔

اے سی سی اے ٹاپر کا کہنا تھا کہ ''اُن میں تنقید برداشت کرنے کی صلاحیت موجود ہے مگر جب مثبت تنقید ہو تو ٹھیک ہے اگر منفی تنقید ہوتو یہ بہتر نہیں ہے''۔

٭ کیا آپ زارا نعیم سے متفق ہیں؟ اپنی قیمتی رائے سے لازمی آگاہ کریں، ہماری ویب کے فیسبک پیج پر کمنٹ کر کے بتائیں۔