بیٹیاں والدین کے لئے رحمت ہوتی ہیں اور ہمارے سابق کپتان شاہد آفریدی اپنی بیٹیوں سے بہت محبت کرتے ہیں، اکثر ان کے سوشل میڈیا اکاؤنٹ پر بیٹیوں کے ساتھ کھیلنے اور دیگر سرگرمیوں کی ویڈیوز آتی رہتی ہیں۔ گذشتہ روز انہوں نے اپنی سب سے چھوٹی بیٹی کے ساتھ ایک ویڈیو اپنے انسٹاگرام پر شیئر کی جو وائرل ہوگئی۔
ویڈیو میں دیکھا جاسکتا ہے کہ:
شاہد کی سب سے چھوٹی بیٹی عُروہ جو اب چلنا سیکھ گئی ہے، اس کے پہلی بار چلنے کی ویڈیو ہے، شاہد فارسی زبان میں عُروہ کو اپنی جانب بلاتے ہیں
اور بچی اپنے بابا کی باتیں سنتی ہوئی ان کے پاس چلی جاتی ہے۔
اس ویڈیو کے کیپشن میں شاہد نے لکھا ہے کہ:
'' بیٹیوں کا پہلا قدم باپ کے لئے بڑی خوشی کا لمحہ ہوتا ہے، میری بیٹی اپنے اس نئے ہیئر سٹائل میں کتنی پیاری لگ رہی ہے۔ ''