نماز پڑھتے پڑھتے موت ہو گئی۔۔ جانیں یہ خوش قسمت پاکستانی شہری کون ہے؟

لوگ برسوں یہ خواہش کرتے ہیں کہ ان کی زندگی کا خاتمہ ایمان پر ہو، اور پھر جب موت نماز پڑھتے ہوئے نصیب ہو تو اس سے زیادہ خوش قسمتی کی بات اور کیا ہو سکتی ہے؟

ایسا ہی کچھ کوئٹہ کے ایک شہری کے ساتھ ہوا۔

تفصیلات کے مطابق رائیونڈ تبلیغی مرکز نامی فیس بک پیج نے بتایا کہ مولانا امیر محمد ولد حاجی عظمت تبلیغ کے سلسلے میں خیبر پختونخوا کے شہر مانسہرہ کے تبلیغی مرکز مدنی مسجد میں آئے ہوئے تھے جہاں ان کا نماز پڑھتے ہوئے انتقال ہوگیا۔ ان کا تعلق بلوچستان کے علاقے قلعہ سیف اللہ سے تھا۔

تاہم مولانا امیر محمد کی ان کے آبائی علاقے میں نماز جنازہ کی ادائیگی کے بعد تدفین کردی گئی ہے۔ ان کی نماز جنازہ میں بڑی تعداد میں لوگوں نے شرکت کی۔ مولانا امیر محمد مدرسہ عربیہ فیض العلوم کے مہتمم تھے۔