پاکستان کی معروف اداکارہ میرا کو امریکہ میں پاگل قرار دے کر پاگل خانے داخل کروا دیا گیا۔ اس حوالے سے میرا کی والدہ نے اپنا تصدیقی بیان جاری کر دیا۔
تفصیلات کے مطابق اداکارہ میرا کی والدہ شفقت زہرہ بخاری نے ایک ویڈیو پیغام جاری کیا جس میں ان کا کہنا ہے کہ میرا کو امریکا میں پاگل خانے میں داخل کرا دیا گیا ہے۔
انہوں نے بتایا کہ 5 اپریل کو میری بیٹی نے فون کال کرکے مطلع کیا اسے پاگل خانے لے جایا جا رہا ہے، میرا نے بتایا کہ وہ چیختی چلاتی رہی کہ وہ پاگل نہیں ہے لیکن پھر بھی اسے لے جایا گیا۔
والدہ اداکارہ میرا نے وزیراعظم عمران خان سے درخواست کی ہے کہ میری بیٹی کو بازیاب کرایا جائے، میری بیٹی پاگل نہیں اس دنیا میں وہی میرا ایک سہارا ہے۔
ذرائع کا کہنا ہے کہ اداکارہ میرا جو آج کل امریکہ میں مقیم ہیں اور کورونا ویکسی نیشن کے بعد بخار محسوس کر رہی تھیں جس کے بعد وہ اپنے علاج کے لیے معائنہ کرانے کیلئے ڈاکٹر کے پاس گئیں تو وہاں عجیب و غریب باتیں شروع کردیں۔
ذرائع کے مطابق اداکارہ نے کہا کہ وہ ایک شوبز اسٹار ہیں لہٰذا خصوصی پروٹوکول دیا جائے، کیا آپ جانتے نہیں کہ میں کون ہوں، میرا وی آئی پی طور پر چیک اپ کیا جائے۔
پاکستانی اداکارہ کی بدتمیزی بڑھی تو ڈاکٹر نے ان پر واضح کیا کہ آپ شوبز اسٹار ہوں گی، لیکن میں اصول کے مطابق ہی مریضوں کو دیکھتا ہوں، تاہم اداکارہ کی جانب سے اوٹ پٹانگ باتیں جاری رہیں تو ڈاکٹر نے ذہنی امراض کے سینٹر فون کرکے عملے کو طلب کرلیا۔
ذرائع کا کہنا ہے کہ تمام صورتحال کو دیکھتے ہوئے اداکارہ میرا نے اپنی غلطی تسلیم کر لی ہے۔
خیال رہے کہ اکثر ہی اداکارہ میرا اپنی الجھی ہوئی باتوں کی وجہ سے لوگوں کے نشانے پر رہتی ہیں اور اپنی گلابی انگریزی کھے باعث بھی سوشل میڈیا پر چھائی رہتی ہیں۔