سوشل میڈیا پر کئی بار ہم اس قسم کے قصے سنتے اور دیکھتے ہیں کہ یقین کرنا مشکل ہو جاتا ہے لیکن حقیقت میں ایسا ہوتا ہے۔ آج ہم آپ کو یہ انوکھا قصہ بتانے جا رہے ہیں جس میں خاتون کا رچایا گیا ڈرامہ حقیقت بن گیا۔
تفصیلات کے مطابق یہ واقعہ مصر میں پیش آیا جہاں خاتون نے محض شہرت کے باعث بھیانک جھوٹ بولا۔ مصر سے تعلق رکھنے والی مشہور یوٹیوب بلاگر ام زیاد اپنی موت کے حوالے سے کیے گے جھوٹے ڈرامے کے ٹھیک ایک سال قبل حقیقت میں انتقال کر گئیں۔
ام ضیاد نے 9 اپریل 2020 کو اپنی موت کا جھوٹا ڈرامہ رچا کر ویڈیو یوٹیوب پر ڈالی تھی۔ ویڈیو کے حوالے سے ام زیاد نے مؤقف اختیار کیا کہ وہ دیکھنا چاہتی تھی کہ اس کی موت پر شوہر اور بچوں کا کیا ردعمل ہوگا۔ اس ویڈیو کے حوالے سے ام زیاد کو کافی تنقید کا بھی سامنا کرنا پڑا تھا۔
تاہم اب خبر یہ سامنے آئی کہ اس واقعے کے ٹھیک ایک سال بعد، یعنی 9 اپریل 2021 کو ام زیاد حقیقت میں انتقال کر گئیں۔
ام زیاد کے بھائی کی جانب سے بتایا گیا ہے کہ اس کی بہن کمرے میں گیس بھر جانے کی وجہ سے انتقال کر گئی۔ کچھ روز قبل بھی ام زیاد نے اپنی ایک ویڈیو میں بتایا تھا کہ کمرے مین گیس بھر جانے اور آکسیجن کی کمی کی وجہ سے اس کی طبیعت خراب ہے، اسے سانس لینے میں کافی دشواری ہے۔ ام زیاد کے انتقال پر سوشل میڈیا صارفین نے رنج و غم کا اظہار کرتے ہوئے ان کی مغفرت کیلئے دعا کی۔