سوشل میڈیا پر یوں تو کئی تصاویر اور ویڈیوز وائرل ہوتی ہیں جسے دیکھ کر انسان کی سوچ دنگ رہ جاتی ہے، ایسی ہی ایک ویڈیو ممبئی کے نزدیکی علاقہ واگنی کے ریلوے اسٹیشن کی وائرل ہو رہی۔
واگنی ریلوے اسٹیشن پر ایک خاتون اپنے بچہ کے ساتھ جا رہی تھیں کہ اچانک بچہ کا توازن بگڑ گیا اور لڑ کھڑا کر پٹری پر گر پڑا۔ اسی وقت ٹرین کچھ ہی سیکنڈز میں بچے تک پہنچنے والی تھی لیکن ریلوے کے سوئچ مین میور شیلکے نے اپنی بہادری سے بچے کی جان بچالی۔
ویڈیو میں دیکھا جا سکتا ہے کہ کس طرح میور شیلکے بھاگتے ہوئے بچے تک پہنچے اور اس کی جان بچائی جبکہ کچھ سیکنڈز میں ہی ٹرین وہاں پہنچ چکی تھی۔
واقعہ کی ویڈیو ریلوے ڈی آرایم کے ذریعہ ٹوئٹ کی گئی جس کے بعد لوگ تعریف کیے بغیر نہیں رہ سکے۔