پاکستان تحریک انصاف کے رکن قومی اسمبلی ڈاکٹر عامر لیاقت حسین گزشتہ کئی ہفتوں سے خبروں میں زیر کردش ہیں۔جیسا کہ سب جانتے ہیں ہانیہ خان جو کہ عامر لیاقت کی تیسری اہلیہ ہونے کی دعوے دار ہیں جس کی عامر لیاقت نے ایک ویڈیو پیغام میں تردید بھی کر چکے ہیں، گزشتہ روز وائرل ہونے والی ہانیہ خان کی پوسٹ پر عامر لیاقت حسین نے جواب دے دیا ہے۔
ہانیہ خان نے اپنی ایک پوسٹ میں انکشاف کیا تھا کہ عامر لیاقت کی تیسری اہلیہ طوبیٰ نے ان سے طلاق لے لی ہے جس کے جواب میں معروف اسکالر عامر لیاقت بھی بول پڑے ہیں۔
اپنے ایک ٹویٹ میں عامر لیاقت حسین نے دبے لفظوں میں اپنی تیسری بیوی ہونے کی دعوے دار ہانیہ خان کے الزامات کی پرزور " مذمت" کی اور اپنی دوسری بیوی کو پیغام جاری کیا ہے۔
عامر لیاقت نے لکھا " لوگ مشہور ہوگئے،ہمیں بدنام کرتے کرتے۔تہمت طرازی، بہتان اور مقدس ہستیوں کا نام لے کر کردار کشی تاریخ میں ہمیشہ ناکام رہی، جو پیچھے ہیں گرجائیں گے، جواب سوالوں کا دیا جاتا ہے تصورات کا نہیں! نیکی عذاب ہوئی۔"
انہوں نے اپنی تیسری بیوی ہونے کی دعوے دار ہانیہ خان کیلئے پیغام دیا کہ توڑنے والے اللہ کے فیصلے کا انتظار کریں۔ انہوں نے چھوڑنے والوں کیلئے بھی کہا کہ وہ بھی اللہ کے فیصلے کا انتظار کریں۔ ان کی ٹویٹ میں ایک بات واضح نہیں ہوسکی کہ انہوں نے چھوڑنے والے " اپنی پہلی بیوی بشریٰ اقبال کو کہا ہے یا دوسری بیوی طوبیٰ کو۔