حال ہی میں سعودی عرب نے بیشتر ممالک کے ساتھ ساتھ پاکستان پر بھی سفری پابندیاں عائد کی تھیں مگر اب بقول عرب میڈیا کے وزارت داخلہ نے جو فہرست جاری کی ہے اس میں پاکستان کا نام نہیں ہے لیکن ہاں بھارت سمیت 13 مختلف ممالک کے نام ضرور شامل ہیں۔
ان 13 ممالک میں بھارت، شام، لیبیا، لبنان، ترکی، آرمینیا، یمن، صومالیہ، وینزیلا، جمہوریہ کانگر، بیلا روس اور افغانستان کے نام شامل ہیں۔
وزارتِ داخلہ کی جانب سے اُن شہریوں کو بیرون ملک جانے کی اجازت دی جائے گی جنہوں نے ویکسین کی دونوں خوراکیں حاصل کرلی ہیں۔
یا پھر ایک خوراک لینے والے وہ افراد بھی سفر کرنے کے اہل ہوں گے جو ٹیکہ لگوانے کے بعد چودہ دن گزار چکے ہیں۔
واضح رہے کہ ایک روز قبل سعودی عرب نے عائد کی جانے والی سفری پابندیاں ختم کیں، جس کے بعد ملک بھر کے تمام ایئرپورٹس، بندرگاہوں اور سرحدی چوکیوں کو سعودی شہریوں کے لیے کھول دیا گیا ہے۔
سفری پابندیاں ختم ہونے کے بعد ریاض کے کنگ خالد ایئر پورٹ سے پہلی پرواز مقامی وقت کے مطابق رات ایک بجے کے بعد روانہ ہوئی۔
اٹھارہ برس سے کم عمر سعودی شہریوں کو سفر کی مشروط اجازت دی جائے گی۔
سعودی محکمہ ہوابازی نے شہریوں کو ہدایت کی کہ پرواز سے تقریبا چار گھنٹے پہلے ایئر پورٹ پہنچیں، مسافر کے علاوہ کوئی دوسرا ایئرپورٹ آنے کی زحمت نہ کرے، معذور مسافر کے ساتھ ایک شخص کو جانے کی اجازت دی جائے گی۔
اس کے علاوہ شہریوں کے نام جاری پیغام میں کہا کہ انہیں مذکورہ ممالک سفر کرنے کے لیے پیش گی اجازت لینا ہوگی۔