عام کار میں تو سب ہی بیٹھتے ہیں، مزہ اس وقت آتا ہے جبکہ آپ ایک کیبل کار میں بیٹھیں اور یہ اونچے نیچے پہاڑوں اور خوفناک راستے سے گزر کر بخیریت آپ کی منزل پر پہنچا دے۔ لیکن جب کیبل کار دشوار گزار راستے کے درمیان حادثے کا شکار ہو جائے تو انسان کا زندہ بچنا یا اس کی لاش کا ملنا ہی سبب سے بڑا اہم کام ہوتا ہے۔
گذشتہ روز اٹلی میں جھیل ماگیوری کو قریبی پہاڑ سے جوڑنے والی کیبل کار 20 میٹر گہرائی میں گرنے سے 14 افراد ہلاک اور 5 شدید زخمی ہوگئے ہیں۔
ویب سائٹ رائٹرز کے مطابق
اسٹریسا ۔ موٹارونے کیبل کار جھیل ماگیوری پر سیاحوں کو سطح سمندر سے ایک ہزار 400 میٹر کی بلندی پر موٹارونے پہاڑ کی چوٹی تک 20تقریباً منٹ میں لے کر جاتی ہے۔ مگر اس مرتبہ یہ کامیابی سے جگہ پر نہ پہنچ سکی اور حادثے کا شکار ہوگئی۔
اٹلی کی الپائن ریسکیو سروس کے اہلکاروں کا کہنا ہے کہ:
''
کیبل کار جنگل میں گر کر تباہ ہوگئی جس میں زخمی ہونے والے دو بچوں کو ہیلی کاپٹر کے ذریعے شہر تورِن میں بچوں کے ہسپتال پہنچایا گیا۔
اسکائی ٹیلی ویژن کے مطابق چند متاثرین کار کے اندر پھنسے ہوئے ہیں جبکہ دیگر جنگل میں درختوں کے درمیان سے ملے کچھ افراد کو ہیلی کاپٹر کے ذریعے ہسپتال منتقل کیا گیا۔
سیاحوں اور دیگر افراد کی شناخت کا عمل بھی جاری ہے مگر یہ بتانا ممکن نہیں کہ اس کار میں کتنے لوگ سوار تھے، واضح رہےکہ کار کو حادثہ اس وقت پیش آیا جبکہ وہ پہاڑوں کے درمیان اونچائی پر تھی اور
پہاڑ پر چڑھنے والے لوگوں نے
کار میں سوار لوگوں کے چیخنے کی آوازیں سنی تو ریسکیو کے نمبر پر فون کرکے اطلاع دی۔